Monday, May 26, 2008

ലോകനാഥനാം (സമയമാംരഥത്തില്‍..)

സമയമാംരഥത്തില്‍..എന്ന പാട്ടിന്‍റ്റെ ഒരു ഏകദേശ ഈണം, ഗാനസന്ദര്‍ഭവും അതുതന്നെ............
---------------------------

ലോകനാഥനാം യേശുതന്നുടെ
ദിവ്യസന്നിധിപൂകുവാന്‍
ഏകനായി നീ യാത്ര പോകുന്നു
സ്നേഹിതര്‍ വിടയോതുന്നൂ

ഓടിയോടിത്തളര്‍ന്നു നീ
സ്വച്ഛശാന്തമായ് നിദ്ര പൂകവേ
കൈയിലൊന്നുമെടുക്കുന്നതില്ല
സ്വന്തമായ് കൊണ്ടു പോകുവാന്‍

കാലമെത്ര കുറവതെങ്കിലും
അര്‍ത്ഥദീര്‍ഘമതാക്കനാം*
നെഞ്ഞിലെപ്പ്രാവിന്‍ സ്പന്ദനം
നിലച്ചീടുമെന്നും നാമോര്‍ക്കുക

കാലമാം നദി താണ്ടുവാന്‍ സ്നേഹ-
ത്തോണിയേറി നാം പോവുക
ഈ മനോഹരജീവകാവ്യത്തി-
ന്നീണമായ് നമ്മള്‍ മാറുക

ആയിരം തിരി പൂത്തു നില്‍ക്കുമാ
മാനത്തേമണിമേടയില്‍
മാണ്‍പെഴുന്നൊരു ദീപമാകുവാന്‍
സ്നേഹിതാ നീ മടങ്ങുക
--------------------------------------------
* "കാലം കുറഞ്ഞദിനമെങ്കിലും അര്‍ത്ഥദീര്‍ഘം"
-കുമാരനാശാന്‍

6 comments:

ബാജി ഓടംവേലി said...

:)

പാമരന്‍ said...

കൊള്ളാം മാഷെ.

ബൈജു (Baiju) said...

Baji mash, Pamaran mash: Nandi :)

ഒരു സ്നേഹിതന്‍ said...

കൊള്ളാം , നന്നായിട്ടുണ്ട്.....

ആശംസകള്‍....

Kichu & Chinnu | കിച്ചു & ചിന്നു said...

:)

ബൈജു (Baiju) said...

Snehitha, Kichu & Chinnu, nandi..:)